काठमाडौं । अनुहारमा जलन भएपछि कीर्तिपुर बर्न अस्पतालमा उपचाररत उपप्रधान तथा अर्थमन्त्री विष्णुप्रसाद पौडेल दुई दिनपछि सोमवार डिस्चार्ज भएका छन् ।
अर्थमन्त्रालय सचिवालयका अर्थमन्त्री पौडेल अस्पतालबाट डिस्चार्ज भएको जानकारी दिएको छ ।
पोखरा भ्रमण वर्ष उद्घाटन गर्ने क्रममा गत शनिवार ग्यास भरिएको बेलुन पड्किएपछि अर्थमन्त्री पौडेलसहित पोखरा महानगरपालिकाका मेयर धनराज आचार्य जलनमा परेका थिए । जलनमा परेपछि दुवै जनालाई उपचारका लागि पोखराबाट काठमाडौं ल्याएको थियो ।
पोखराका मेयर आचार्यको स्वास्थ्य अवस्था भने सुधारोन्मुख रहेको बताइएको छ ।
