दिलकुमार पाख्रीन/ २० फेब्रुअरी, कुवेत। चितवन सेवा समाज कुवेतद्वारा आयोजना हुने कार्यक्रम “चितवन धमाका-३” का लागि अतिथि कलाकार मेलिना राइ र रमेशराज भट्टराई भोलि दिउँसो ४:३० मा कुवेत आइपुग्ने भएका छन। भोलि बिहान १० बजे फ्लाइट नं. G9530 द्वारा त्रिभुवन अन्तर्राष्ट्रिय विमानस्थल काठमाडौंबाट उडान भर्दै ५ घन्टाको निरन्तर उडानपछी स्थानिय समय अनुसार १:१५ मा युएईको सारजास्थित सारजा अन्तरास्ट्रिय विमानस्थलमा अवतरण गर्नेछन।
लगभग दुई घन्टाको ट्रान्जिट पछि स्थानिय समय अनुसार दिउँसो ३:२० मा G9127 को फ्लाइटबाट कुवेतको लागि उडान भर्नेछन। उनिहरु कुवेतको अन्तर्राष्ट्रिय विमानस्थलमा दिउँसो ४:०५ मा अवतरण हुनेछन। तर आयोजकले अतिथी कलाकारहरुलाइ स्वागत गर्न कुवेतमा सक्रीय विभिन्न मिडियाकर्मी, एन आर एन ए, संघ संस्था, तथा कुवेतमा कार्यरत नेपाली दाजुभाइ दिदिबहिनिहरुलाइ आन्तरिक ढिलाइ हुने बताउँदै ठिक दिउँसो ४:३० बजे कुवेत अन्तर्राष्ट्रिय विमानस्थलमा उपस्थितिको लागि अनुरोध गरेका छन।
साथै शुक्रबार २२ फेब्रुअरीको दिन समेत कुवेतमा कार्यरत सम्पुर्ण दाजुभाइ दिदिबहिनिहरुलाइ कार्यक्रममा उपस्थितिको लागि अनुरोध गरेका छन।
अतिथी कलाकारहरु २३ फेब्रुअरीका दिन साँझ ८ बजे G9124 फ्लाइटद्वारा सारजा हुँदै नेपाल फर्कनेछन।
