काठमाडौं : प्रोस्टेटको समस्या देखिएपछि राष्ट्रपति रामचन्द्र पौडेल उपचारपछि अस्पतालबाट डिस्चार्ज भएका छन् ।
प्रदेश प्रमुखलाई गत बुधबार त्रिवि शिक्षण अस्पताल महाराजगञ्जमा भर्ना गरिएको थियो । उनले प्रोस्टेटको शल्यक्रिया गराए ।
त्रिवि शिक्षण अस्पतालका निमित्त कार्यकारी निर्देशक घनश्याम गुरुङले आज विज्ञप्ति जारी गर्दै राष्ट्रपति पौडेल शनिबार दिउँसो निको भएर डिस्चार्ज भएको जानकारी दिए । उनको स्वास्थ्य सामान्य रहेको छ ।
यसैबीच राष्ट्रपति पौडेलले उनको उपचारमा संलग्न सबै स्वास्थ्यकर्मी तथा अस्पतालका कर्मचारी र देश तथा विदेशबाट उहाँको स्वास्थ्यलाभको कामना गर्ने सबैप्रति कृतज्ञता व्यक्त गर्नुभएको छ ।
यसअघि राष्ट्रपतिको उपचार र स्वास्थ्य अवस्था बुझ्न उपराष्ट्रपति रामसहयप्रसाद यादव त्रिवि शिक्षण अस्पताल पुगेका थिए ।
यादवले राष्ट्रपति पौडेलको शीघ्र स्वास्थ्यलाभको कामना गरेका छन् ।
