आर डि क्रीएशन/ २५ अप्रील, कुवेत। जिफन्ट समूहले दमाममास्थित रोज रेस्टुरेन्टमा मे ३ तारीख शुक्रबार बृहत साँस्कृतिक कार्यक्रमसहित शुभकामना आदानप्रदानगरी दिवस मनाउने भएको हो ।
यसअघि साउदीमा कार्यरत श्रमिकहरुको दुख,पिडालाई सामुहिक अन्तरक्रियाका साथ शुभकामना आदानप्रदान गरी मनाउँदै आएको समूहका अध्यक्ष बुद्धिमान विश्वकर्माले बताए । उनले थपे-यसपटक भने दुख,पिडालाई अन्तरक्रियाका साथै बृहत साँस्कृतिक कार्यक्रमसहित शुभकामना आदानप्रदानगरी दिवस मनाउन लागिएको छ ।
अध्यक्ष विश्वकर्माले अन्तर्राष्ट्रिय मापदण्ड विश्वका मजदुर एक हौँ भन्ने नाराले स्थापित दिवसको अवसर पारेर गर्न लागिएको कार्यक्रममा साउदीमा रहेका श्रमिकहरुलाई उपस्थित भइ समस्यालाई एक आपसमा बाँड्न आग्रह गरे ।
” स्वदेशमा वा प्रवासमा सबैलाई सामाजिक सुरक्षा ” भन्ने नाराका साथ मनाउन लागिएको दिवसमा यहीका चर्चित कलाकारहरुको बेजोड प्रस्तुति रहने आयोजकले जानकारी दिए ।
साउदीको प्राय साँस्कृतिक कार्यक्रममा देखिने गायिका लक्ष्मी तामाङ,लोकदोहोरी गायक इस्लाम मियाँ,डिके रोल्पाली गायकहरु रोशन तामाङ,समीर राई,रन राई,टेकबहादुर आले मगर,यस्ती मगर,नृत्य तर्फ धनकुमारी मगर,मञ्जु परियार,मुना तामाङ,सिरि राई,भिमकला विश्वकर्मा,बिमल राई र कमलि तामाङ रहेको समूहका संरक्षक कृष्ण तामाङले जनाए ।
