पाँचथर– पाँचथरको विभिन्न ठाउँमा छायाकन गरिएको प्रतीक्षित चलचित्र उनको स्वीटरको प्रचारका लागि धरानमा ‘उनको स्वीटर साँझ‘ हुने भएको छ । फिल्मका गायक तथा सङ्गीतकार सुजन चापागाई सहित फिल्मको कलाकार टोलिले धरानमा प्रस्तुति दिन लागेका हुन् । बैशाख–१८ गते धरान रङ्गशालामा सांस्कृतिक साँझ हुन लागेको हो । पोखरामा सकेर धरानमा यो साँझ गर्न लागिएको जानकारी दिइएको छ ।
बैशाख–२६ गते चलचित्र रिलिज हुँदै छ । रिलिजको पूर्वसन्ध्यामा साँझ गरेर प्रचार गर्न खोजिएको हो ।
सुजन चापागाई एण्ड दि इन्फिनिटि ब्याडले पहिलो पल्ट धरानमा प्रस्तुति राख्दै छ । साझमा झुमा लिम्बु, सुनिता थेगिम लगायतका कलाकारको प्रस्तुति रहने चलचित्रका लाईन प्रोडुसर फुङसो जवेगु लिम्बुले जानकारी दिए ।
उनका अनुसार चलचित्रमा मुख्य कलाकार विपिन कार्की, मिरुना मगर, परीक्षा लिम्बु, एलेक्स पारस, विलसन विक्रम राईको पनि उपस्थिति रहने छ । साँझ सिल्भर इन्टरटेन्टमेन्टले आयोजना गर्दै छ ।
नविन चौहानले निर्देशन गरेको चलचित्र पाँचथरको नवमिडाँडा, साधुटार, लब्रेकुटि, सुकेपोखरी, फालेलुङमा छायाकन भएको थियो । हालै सार्वजनिक भएको काफ्ले भन्ने गीत अहिले निक्कै चर्चामा छ ।
