अर डि क्रीएशन/२९ मे, कुवेत।
1) भवचक्र (तेन्डेल च्यूङ)- शव खोल-प्रतत्यसमुत्पाद चक्र
राजधानीको बौद्धमा प्रतित्यसमुत्पाद (तेन्डेल च्यूङी) बारे धर्म देशना र विपश्यना ध्यान साधना शिविर संचलान हुने भएको छ ।
बौद्धस्थित प्राचीन आनुवाद एकमातृ गुरु संघ, नेपालको आयोजनमा धर्म गुरु खेन्पो ङावाङ होसेर र साथमा सधाक छेतेन नोर्गेबाट प्रतित्यसमुत्पाद (शिव खोर्लो) र विपश्यना ध्यान साधना शिविर कार्यक्रकम संचलन हुने भएको छ । कार्यक्रम सस्थाको सभाहल बौद्ध ६, तामाङ भवनको दोस्रो तल्लमा जेठ १८ गते देखि सुरु भइ २८ गते सम्म संचलन हुनेभएको छ । कार्यक्रम विहान ७ बजे सुरु भइ १० बजे सम्म संचलन हुने छ । ६ लोक ३१ भुवन समेत व्याख्या गरिनेछ ।
2 प्रतित्यसमुत्पाद
शील, समाधि र प्रज्ञालाई बुझ्न र आफ्ना मनभित्रका राग, द्वेष र मोह हटाएर चित्त निर्मल पार्न विपश्यना ध्यान नै उत्तम मानिन्छ । चित्त निर्मल बनाउने, सुख र शान्ति पाउने, निरोगी हुने, अध्ययनलाई राम्रो बनाउने र लक्ष्यमा पुग्ने चाहना राख्ने महिला, पुरुष, युवा वा पाका व्यक्तिका लागि मात्रै नभएर बालबालिकाका लागि समेत विशेष ध्यान शिविर सञ्चालन हुन लागिएको हो ।
भगवान् बुद्धको उपदेशको सार हो – धर्म सर्वदेशिक, सर्वकालीन र सर्वज्ञनिन हुन्छ । प्रकृतिका नियम तथा विश्वव्यापी विधानलाई सही रूपमा धारण गर्नु नै धर्म हो । यसमा कुनै पनि जाति, वर्ग वा सम्प्रदायको एकाधिकार हुँदैन । सूर्यको स्वभाव हो ताप र प्रकाश दिनु, चन्द्रमाको स्वभाव हो प्रकाश र शीतलता दिनु, आगोको स्वभाव हो जल्नु र जलाउनु, बरफको स्वभाव हो शीतल हुनु । यस्तै, उत्पन्न हुनु, नष्ट हुनु, उदाउनु अस्ताउनु शुद्ध धर्म हुन् ।
3) ६ लोक ३१ भुवनको सरुप लण
विपश्यना आजभन्दा करीब दुईहजार ५०० वर्षअघि बुद्धले स्वयंले अनुभूत गरी प्रतिपादन गरेको ध्यान विधि हो । यो ध्यान विधिले अनित्यताको बोध गर्न मद्दत गर्छ ।जुन जस्तो छ त्यसलाई साक्ष्यत भाव वा तटस्थ भावले हेर्ने विधि विपश्यना हो । ‘वि’ भनेको विशेष तवरले र ‘पश्यना’ भनेको दृष्टिगोचर गर्ने हो । शील र समाधिमा प्रतिष्ठित भई भावनामयी प्रज्ञा जगाउने पवित्र अभ्यास हो विपश्यना ।
4) प्रतत्य समुत्पाद चक्र
विपश्यना ध्यान गर्न चाहने साधकलाई झूटो नबोल्ने, प्राणी हिंसा नगर्ने, चोरी नगर्ने, ब्रम्हचर्या पालन गर्ने र नशालु पदार्थ सेवन नगर्ने जस्ता नियमभित्र रहेर शिविरको पहिलो दिन श्वासप्रश्वासमा आफ्नो ध्यान केन्द्रीत गर्ने अभ्यास गर्न लगाइन्छ, जसलाई ‘आनापाना सति’ ध्यान भनिन्छ । साधकले मनको चञ्चलता यो बेला अनुभव गर्न पाउँछन् ।
उक्त कार्यक्रममा प्राचीन आनुवाद एकमातृ गुरु संघ, नेपालको कार्यालय बौद्ध-६, तामाङ भवनको दोस्रो तल्लमा उपस्थितको लागि सम्पुर्ण अस्थावन महानुभवहरुलाई आयोजकले अनुरोध समेत गरेका छन् सम्पर्क नम्बर ।०१४४८४५५५
