दिलकुमार पाख्रीन/२४ जनवरी, कुवेत। विगत झन्डै दुई महिनादेखी कुवेतको सुयोखस्थित IBN-SINA हस्पिटलमा ब्रेन ट्युमर संग लडिरहेकी धादिङकी बुद्ध कुमारी राई गुरुङ नेपाल पुगेकी छिन। आर डि क्रीएशन मार्फत समाचार बाहिरिएपछी एन आर एन ए को ध्यान केन्द्रित हुँदै एन आर एन ए र नेपाली दूतावास कुवेतको सहकार्यमा पिडित नेपाल पुग्न सफल भएकि हुन।
पिडित बुद्ध कुमारि हिजो साँझ ६ बजे कुवेत अन्तर्राष्ट्रिय विमानस्थलबाट ओमन एयरवेजबाट ओमनको मस्कट हुँदै आज बिहान नेपालको स्थानीय समय अनुसार ९ बजे काठमाडौ स्थित त्रिभुवन अन्तर्राष्ट्रिय विमानस्थलमा अवतरण भएकी थिइन। कुवेतबाट एन आर एन ए कुवेतले अन्तरास्ट्रिय नेपाली कलाकार समाज कुवेतका अध्यक्ष डोलराज न्यौपानेको साथमा पाठाएको थियो। त्रिभुवन अन्तर्राष्ट्रिय विमानस्थलमा पिडित राइका पति र छोरा उनलाइ लिन आइपुगेका थिए। बिरामी बुद्धकुमारी राई उनका परिवारलाइ जिम्मा दिइसकेको डोलराज न्यौपानेले आर डि क्रीएशनलाइ जानकारी गराएका छन। एन आर एन ए कुवेतले पिडित र उनलाइ लिएर जाने न्यौपानेको टिकटको ब्यबस्था गरेको थियो। साथै एन आर एन ए अध्यक्ष सुमित्र देवि पौडेलले बिरामिलाइ बाटो खर्च समेत सहयोग गरेकी छिन।
थप विस्तृत जानकारी आर डि क्रीएशनको युट्युब च्यानलमा केही बेरमा भिडिद्वारा सार्वजनिक गरिँदैछ क्रीपया प्रतीक्षा गर्नुहोला।
