काठमाडौं, वैशाख २३ – नेपाली कांग्रेसका सांसद अमरेश कुमार झाले राजनीतिक प्रतिशोधका घटना नरोकिए आफूहरू चुप लागेर नबस्ने चेतावनी दिएका छन्।
प्रतिनिधि सभाको आजको बैठकमा बोल्दै सांसद झाले पछिल्लो समयमा राजनीतिक आधारमा विभिन्न क्षेत्रमा भएका प्रतिशोधका घटनाप्रति गम्भीर आपत्ति जनाए।
“हामी मिलेर देश अगाडि बढाउने भन्ने ठूला-ठूला कुरा गर्छौं, तर व्यवहारमा चाहिँ राजनीतिक प्रतिशोधका घटनाहरू भइरहेका छन्,” उनले भने। “यस्ता घटना नरोकिए हामी सधैँ चुप लागेर बस्दैनौँ।”
उनले हालै सप्तरीमा भएको घटनालाई उदाहरण दिँदै राजनीतिक कारणले कतिपय जनप्रतिनिधिहरू दबाबमा परेको आरोप लगाए।
झाले यस्ता घटनाले मुलुकमा शान्ति र स्थिरता कायम गर्न नसकिने बताउँदै सरकारको गम्भीर ध्यानाकर्षण गराए।
प्रतिपक्षी दलका सांसदहरूले यस विषयलाई समर्थन गर्दै सरकारले तत्काल कारबाही गर्नुपर्ने माग गरेका छन्।
राजनीतिक प्रतिशोधका घटना नरोकिए चुप लागेर बस्दैनौँ
