कुवेत। सुनकोशी गाउँपालिका ३ बोहोरेटारस्थित प्रगतिशील माध्यमिक विद्यालयका एक छात्रको होर्डिङबोर्डमा टाउको ठोक्किएर मृत्यु भएको छ । गुडिरहेको स्कुलबसबाट टाउको निकाल्दा विद्यार्थीको टाउको होर्डिङबोर्डमा ठोक्किएको जनाइएको छ । घटनामा कक्षा छ मा अध्ययनत १३ वर्षीय रमण श्रेष्ठको बसको सीटमै निधन भएको थियो । विद्यालयका प्रधानाध्यापक चक्रबहादुर श्रेष्ठका अनुसार, प्रगतिशील माध्यमिक विद्यालयले सञ्चालनमा ल्याएको ना ३ ख ३५२० नम्बरको बसबाट घर फर्कने बेला सो घटना भएको हो । रामेछाप जिल्ला खाँडादेवी गाउँपालिका ३ सित्खाटारका रमण श्रेष्ठको घटनास्थलमा नै मृत्यु भएको प्रहरीले जनाएको छ । प्रधानाध्यापक श्रेष्ठले स्वास्थ्य उपचारका लागि काठमाडौँमा रहेको तर घटनाबारे जानकारी पाएपछि गाउँ फर्कदै गरेको बताउनुभयो ।
सञ्जालबाट साभार गरिएको।