आर डि क्रीएशन/ ११ नोभेम्बर, कुवेत। रुपन्देहीको बेलवासबाट ठुलो परिमाणमा चरेस बरामद भएको छ ।
३७ किलो चरेस सहित ३ जनालाई प्रहरीले नियन्त्रणमा लिएको छ । पक्राउ पर्नेमा अर्घाखाँची जिल्लाको पाणिनी गाउँपालिका ५ मैदानका ४० वर्षीय टिका राष्कोटी रहेका छन् ।
राष्कोटी २०७४ सालको स्थानीय तहको निर्वाचनमा नेकपा एमालेबाट निर्वाचित वडा सदस्य हुन । उनी सहित बागलुङका ३४ वर्षीय जनक घर्ती र कपिलवस्तुका ५० वर्षीय नहारि थारूलाई पनि प्रक्राउँ गरिएको इलाका प्रहरी कार्यालय बुटवलका प्रमुख प्रहरी नायव उपरीक्षक डिल बहादुर मल्लले बताए ।
इलाका प्रहरी कार्यालय बुटवलको टोलीले शनिबार साँझ बुटवल बेलवास शान्तिचोकबाट उनीहरुलाई पक्राउ गरेको हो ।
यो सामाग्री हिमालपोस्टबाट साभार गरिएको हो।
