28.1 C
Kathmandu
Sunday, July 14, 2024
spot_img
Homeगृहपृष्ठसुरज मास्केलाइ अध्यक्ष चयन गर्दै नेवा: गूठी कुवेत पुनर्गठन

सुरज मास्केलाइ अध्यक्ष चयन गर्दै नेवा: गूठी कुवेत पुनर्गठन

नेवाः गुठी कुवेत पुनर्गठन भएको छ भने पुनर्गठित नयाँ कार्य समितिमा सुरज मास्के अध्यक्ष चयन भएका छन् । गुठी कुवेतले गत शुक्रबार साँझ कुवेतको मिसिला बिचमा एक पिकनिक कार्यक्रमको अायोजना गरि माैजुदा पुरानो कार्य समितिलाइ विघटन गरि मास्केको अध्यक्षमा सर्व सम्मतिबाट १७ सदस्सीय नयाँ कार्य समिति गठन गरेको कुरा नेवाः गुठीको नव निर्वाचित प्रथम उपाध्यक्ष एवं कोसेली समुहका कोषाध्यक्ष तथा सम्वाददाता राजन श्रेष्ठले आर डि क्रीएशन अनलाइन डट कम लाइ जानकारी दिएका हुन्।

नव गठित कार्य समितिमा पुर्व अध्यक्ष शिब कुमार श्रेष्ठ संरक्षक रहेका छन् भने प्रथम उपाध्यक्षमा राजन श्रेष्ठ, द्वित्तीय उपाध्यक्षमा मंगल डंगोल, तृतीय उपाध्यक्षमा पदम कुमार श्रेष्ठ र महिला उपाध्यक्षमा बिमला श्रेष्ठ रहेकी छन् । त्यसै गरि महासचिवमा नबिन सन श्रेष्ठ, सचिवमा ध्रुब कुमार श्रेष्ठ, कोषाध्यक्षमा जुजुकाजी महर्जन तथा सह-कोषाध्यक्षमा पुर्ण प्रसाद श्रेष्ठ रहेका छन् ।

नव गठित कार्य समितिमा खेलकुद विभाग र संस्कृति विभाग पनि गठन गरिएको छ जसमा खेलकुद विभाग प्रमुखमा हर्क श्रेष्ठ रहेका छन् भने उप प्रमुखमा दिल श्रेष्ठ रहेका छन् । त्यसै गरि संस्कृति विभाग प्रमुखमा उदाश श्रेष्ठ रहेका छन् भने उप प्रमुखमा मुकेश शाक्य रहेका छन् ।

कल्याण श्रेष्ठ, यादब श्रेष्ठ, राधेश्याम श्रेष्ठ र सानुकाजी महर्जन सल्लाहकार रहेको नयाँ कार्य समितिका सदस्यहरूमा राम कुमार श्रेष्ठ, मिरा श्रेष्ठ, रोशन श्रेष्ठ, ज्योती श्रेष्ठ, राजु श्रेष्ठ, इलाज श्रेष्ठ, बाल कुमार महर्जन र श्रीकुमार श्रेष्ठ रहेका छन् ।

गठन भए लगत्तै विभिन्न निर्णयहरू गर्दै संस्थालाइ बलियो बनाउनको लागि संस्थाको एउटा छुट्टै बचत कोष संचालन गर्ने तथा अागामी अक्टोबर २५ तारिक शुक्रबार काग तिहारको दिन कुवेतमा म्हः पुजा गर्ने जनाएको छ ।

सन २०११ मा तत्कालिन अभियन्ताहरू नबराज श्रेष्ठ, हर्क श्रेष्ठ, तेज बहादुर श्रेष्ठ लगायत एक भइ जातीय भाषा, कला, संस्कृतिको संरक्षण, संंवर्द्धन तथा जातीय हक, हित र उन्नतीको लागि प्रवाशबाट पनि कृयाशिल रहनु पर्दछ भन्दै गठन भइ कृयाशिल रहेको नेवा गुठी कुवेतले विभिन्न सांस्कृतिक झाँकी, नेवारी भोज तथा खेलकुद प्रतियोगताहरू गराउँदै अाएको थियो भने केहि समय यता अलि सुस्ताएर ओझेलमा परे झैं भएको नेवाः गुठी कुवेतले अब भने गति लिने अनुमान गरिएको छ ।

rdcreation
rdcreationhttp://www.rdcreationonline.com
बिजय धामी नेपालका एक स्वतन्त्र पत्रकार हुन्। उनी लामो समयदेखि नेपाली मिडियामा सक्रिय छन् र विशेषगरी टेलिभिजन पत्रकारिताको क्षेत्रमा उनको उल्लेखनीय योगदान रहेको छ। बिजय धामी आर डि क्रियशन अनलाइन डटकम को संचालक पनि हुन् ।
सम्बन्धित लेखहरू
- Advertisment -spot_img

सर्वाधिक लोकप्रिय

हालका टिप्पणीहरू

Indra Shrestha on The haris is king