बजार परिसूचक नेप्सेमा बुधबार पनि गिरावट आएको छ । चार दिनदेखि लगातार घटिरहेको नेप्से परिसूचकमा बुधबार १४.८८ अंक घटेर २६८२.१५ विन्दुमा कायम भएको छ ।
नेप्से घटेपनि कारोबार रकममा भने बुधबार वृद्धि भएको छ । बुधबार ३११ स्टकको ५४ हजार ६२२ पटकको कारोबारमा ५ अर्ब १४ करोड ३९ लाख ९७ हजार रुपैयाँबराबरको ९५ लाख ८३ हजार कित्ता शेयर खरिदबिक्री भएको छ। मंगलबार ४ अर्ब ३४ करोडको शेयर खरिदबिक्री भएको थियो ।
बुधबार सेन्सेटिभ इण्डेक्स २.९६ अंक घटेको छ भने फ्लोट इण्डेक्स १.१४ अंक र सेन्सेटिभ फ्लोट इण्डेक्स ०.९५ अंक घटेको छ ।
बुधबार मिथिला लघुवित्त वित्तीय संस्थाको शेयरमूल्य सर्वाधिक ९.३९ प्रतिशत बढेको छ। गरिमा समृद्धि योजना, भुगोल इनर्जी डेभलपमेन्ट कम्पनी र ग्रीन डेभलपमेन्ट बैंकको ७ प्रतिशतभन्दा बढीले वृद्धि भएको छ । यद्यपि सामुदायिक लघुवित्त वित्तीय संस्थाको शेयरमूल्य बुधबार सबैभन्दा बढी ९.२० प्रतिशतले घटेको छ।
कारोबार रकमका आधारमा हिमालयन रि इन्स्योरेन्सको २९ करोड ६७ लाख रुपैयाँ, एनआरएन इन्फ्रास्ट्रक्चर एण्ड डेभलपमेन्टको करिब साढे २३ करोड र नेपाल पुनर्बीमा कम्पनीको १७ करोडभन्दा बढीको शेयर खरिदबक्री भएको छ।
१३ उपसमूहमध्ये बुधबार ३ उपसमूहको परिसूचक बढेको छ भने १० उपसमूहको परिसूचक घटेको छ। होटल तथा पर्यटन, म्युचुअल फण्ड र व्यापार उपसमूहको परिसूचक सामान्य बढेको हो। वित्त उपसमूहको परिसूचक १.५३ प्रतिशत र जीवन बिमा उपसमूहको परिसूचक करिब साढे १ प्रतिशतले घटेको छ।
प्रकाशित: ६ चैत्र २०८१ १५:३३ बुधबार
