तीन मेयरको सहभागितामा बृहत योग विज्ञान तथा योग प्रशिक्षक प्रशिक्षण शिविर समुद्धघाटन

झुम्का । स्वस्थ जीवनशैली, शारीरिक तन्दुरुस्ती तथा मानसिक स्वास्थ्य प्रवद्र्धन गर्ने उद्देश्यले डुम्राहामा बृहत् योग विज्ञान तथा योग प्रशिक्षक प्रशिक्षण शिविर उद्घाटन गरेको छ । रामधुनी नगर प्रमुख शंकरलाल चौधरीको प्रमुख आतिथ्यतामा शनिवारदेखि सुरु गरेको हो ।
रामधुनी नगरपालिका–८ र ९ स्थित शनिचरे माध्यमिक विद्यालयको प्राङ्गणमा बृहत् योग विज्ञान तथा योग प्रशिक्षक प्रशिक्षण शिविर उद्घाटनमा तीन मेयरको सहभागीता रहेको थियो । रामधुनी नगरपालिकाका नगरप्रमुख शंकरलाल चौधरी, रामधुनी नगरपालिकाका पूर्व नगरप्रमुख जयप्रकाश चौधरी तथा इटहरी उपमहानगरपालिकाका पूर्व नगरप्रमुख द्वारिकलाल चौधरीको सहभागिता रहेको थियो ।
प्रदेश योगगुरु श्री मिष्टर प्रसाद चौधरीको प्रशिक्षणमा सञ्चालन भइरहेको शिविरमा सहभागीहरूलाई योगाभ्यास तथा योग विज्ञान सम्बन्धी प्रशिक्षण प्रदान गरेको छ । योगले शारीरिक स्वास्थ्यलाई सुदृढ बनाउनुका साथै मानसिक शान्ति, सकारात्मक सोच र अनुशासित जीवनशैली विकास गर्न सहयोग पु¥याउने भएकाले यस्ता कार्यक्रमले समुदायमा स्वास्थ्यप्रतिको सचेतना बढाउने अपेक्षा गरिएको छ ।
योग विज्ञान तथा योग प्रशिक्षक प्रशिक्षणलाई समेटेर सञ्चालन गरिएको शिविरले स्थानीयस्तरमा योगको अभ्यास विस्तार गर्न र योग प्रशिक्षक उत्पादनमा समेत योगदान पु¥याउने विश्वास लिइएको छ ।
योगाभ्यासमा कार्यपालिका सदस्य शुसिला ढुंगाना, सोमकुमारी सुनुवार, जिल्ला समन्वय समिति सदस्य लाल कुमारी चौधरी लगायतका अथितीहरुको सहभागीता रहेको थियो ।
शिविर प्रत्येक दिन बिहान ४ बजेदेखि ६ बजेसम्म सञ्चालन भइरहेको रामधुनी ९ नं. वडाअध्यक्ष घनश्याम चौधरीले जानकारी दिनुभयो ।