बराहक्षेत्र । साहित्य, सिर्जना र जीवनका अनुभवहरूमा आधारित प्रेरणादायी अन्तरक्रिया कार्यक्रम ‘लेखकसँग संवाद’ आयोजना गरेको छ।
बराहक्षेत्र–५, कालाबन्जारस्थित मुन बिम एकेडेमीको रिडर्स क्लवद्धारा आयोजित कार्यक्रममा लेखक रामप्रसाद खरेलसँग साहित्य, सिर्जना, जीवनका अनुभव तथा विचारका विविध पक्षमा अन्तरक्रिया गरिएको हो।
क्लवकी अध्यक्ष स्वस्तिका बस्नेतको अध्यक्षतामा राखिएको कार्यक्रममा लेखक खरेलले आफ्ना सिर्जना, लेखन अनुभव र जीवनबाट प्राप्त सिकाइहरू सहभागीमाझ प्रस्तुत गर्नुका साथै सहभागीहरूसँग प्रत्यक्ष संवाद समेत गरेका थिए। कार्यक्रमको मुख्य उद्देश्य साहित्य र जीवनका अनुभवलाई जोड्दै नयाँ पुस्तालाई सिर्जनात्मक सोच तथा सकारात्मक जीवनदृष्टितर्फ प्रेरित गर्नु रहेको आयोजकको विद्यालयका भाइस प्रिन्सिपल विदुर चौलागाईले बताए।
मुनबिम एकेडेमीको सभाहलमा राखिएको कार्यक्रम‘आउनुहोस्, सुनौँ, बुझौँ र प्रेरित बनौँ’ भन्ने नारासहित आयोजना भएको कार्यक्रममा साहित्यप्रेमी, विद्यार्थी, शिक्षक तथा स्थानीय साहित्य तथा सिर्जनामा रुचि राख्ने व्यक्तिहरूको सहभागिता रहेको थियो।
साहित्य, सिर्जना र विचारको माध्यमबाट पाठक तथा विद्यार्थीलाई प्रेरित गर्ने उद्देश्यले आयोजना भएको यस कार्यक्रमले स्थानीय क्षेत्रमा साहित्यिक गतिविधि विस्तारमा समेत योगदान पुग्ने अपेक्षा गरिएको छ।
