विश्व फुटबलका महान् खेलाडी लियोनल मेस्सीले अर्जेन्टिनाको राष्ट्रिय टोलीबाट आफ्नो २१ वर्ष लामो अन्तर्राष्ट्रिय यात्रा भावुक क्षणका बीच समाप्त गरेका छन्। २००५ मा अर्जेन्टिनाको राष्ट्रिय टोलीमा डेब्यु गरेका मेस्सीले ६ अक्टोबर २०२६ मा बेनिनविरुद्ध आफ्नो अन्तिम खेल खेले। उक्त खेल अर्जेन्टिनाले शुन्यका बिरुद्ध ३–० ले जित्दा मेस्सीले एक गोल र दुई असिस्ट गर्दै सानदार विदाइ पाए।
मेस्सीको अन्तर्राष्ट्रिय यात्रा सुरुवातमै कठिन थियो। हंगेरीविरुद्धको डेब्यु खेलमा मैदान प्रवेश गरेको केही समयमै रातो कार्ड पाएर बाहिरिएका उनी त्यसपछि भने अर्जेन्टिनाको इतिहासकै सबैभन्दा सफल खेलाडीमध्ये एक बने।
मेस्सीले अर्जेन्टिनालाई २०२१ र २०२४ को कोपा अमेरिका तथा २०२२ को FIFA विश्वकप जिताउन महत्वपूर्ण भूमिका खेले। विशेषगरी कतार विश्वकप २०२२ को उपाधिले उनको अन्तर्राष्ट्रिय करियरलाई पूर्णता दिएको मानिन्छ। उनले २००८ मा ओलम्पिक स्वर्ण पदकसमेत जितेका थिए।
ब्युनस आयर्सस्थित एल मोनुमेन्टल रंगशालामा हजारौँ समर्थकले मेस्सीलाई अन्तिमपटक अर्जेन्टिनाको जर्सीमा देखे। मैदानमा आँसु, ताली, आतसबाजी र ‘Gracias Messi’ को भावनाले वातावरण भरिएको थियो।
मेस्सीले अर्जेन्टिनाका लागि केवल गोल र उपाधि मात्र दिएनन्, उनले एउटा पुस्तालाई फुटबलसँग जोड्ने सपना दिए। हारका पीडा, आलोचना र असफल फाइनलहरू पार गर्दै अन्ततः विश्वकपको ट्रफी उचालेर उनले आफ्नो अधुरो सपना पूरा गरे।
मेस्सीको जर्सी अब राष्ट्रिय टोलीमा नदेखिएला,
तर अर्जेन्टिनाको १० नम्बर इतिहासमा सधैँ जीवित रहनेछ।
